Beredskapsplanar for vêrutsette strekningar

Om rapporten

Denne rapporten er basert på tilsyn i Statens vegvesen, Region nord. Tilsynssaka omhandlar beredskapsplanar for vêrutsette strekningar.

Rapporten inneheld ei oppsummering av tilsynet og ein presentasjon av tilsynsfunn. Med bakgrunn i tilsynsfunna har Vegtilsynet gitt 2 tilrådingar.

Tilsynspart skal innan fastsett frist kome med tilbakemelding på korleis tilrådingane vil verte handtert, saman med ein tidsplan for gjennomføring av eventuelle tiltak.

Tema

Beredskap

Tilsynspart

Statens vegvesen

Status

Lukka

Tilsynsform

Systemtilsyn

Publiseringsdato

21. desember 2016

Samandrag

Målet med tilsynet var å undersøke om Statens vegvesen, Region nord, sikrar at beredskapsplanar for vêrutsette strekningar er i samsvar med krav.

Funn i saka var at regionen manglar ein regional trafikkberedskapsplan. Krav om å utarbeide ein slik plan er frå mai 2015.

Fire av dei vêrutsette strekningane Vegtilsynet undersøkte mangla beredskapsplanar eller hadde ufullstendige beredskapsplanar.

To av strekningane mangla ROS-analysar, slik det er krav om.

Når det gjeld lokale instruksar som skal beskrive korleis handtering av mellombels stenging og kolonnekjøring skal utførast, er desse utarbeidd i samsvar med krav for tre av dei fire vêrutsette strekningane.

Vegtilsynet meiner at Region nord ikkje har sikra oversikt gjennom regional trafikkberedskapsplan og ikkje har sikra god nok beredskap for å handtere hendingar på vêrutsette strekningar.

Konsekvensen kan vere at det ikkje vert sett i verk tiltak ved kritiske situasjonar og at det i ytste konsekvens oppstår fare for liv og helse.

Rapporten inneheld fire funn og Vegtilsynet har med bakgrunn i desse gitt to tilrådingar.

Tilsynsresultat

Avvik

Mangel på samsvar med krav

Observasjon

Forhold der ein gjennom revisjonen har sett at det er potensial for forbetring hos tilsynspart.

Ingen funn

Undersøkelsen har ikke avdekket avvik eller observasjoner

Funn 1 - Avvik

Det er ikkje utarbeidd ein regional trafikkbereskapsplan i samsvar med krav.

Funn 2 - Avvik

Det er ikkje utarbeidd beredskapsplan for strekningar som kan bli mellombels stengde/kolonnekøyrde i samsvar med krav.

Funn 3 - Avvik

Det er for strekningen E6 Sennalandet ikkje utarbeidd ein lokal instruks i samsvar med krav.

Funn 4 - Observasjon

Region nord sin regionale instruks for fastkøyrd kolonne er for lite detaljert for dei enkelte kolonnekøyrde strekningane den gjeld, medrekna E6 Kvænangsfjellet og E10 Bjørnfjell, til at den kan sjåast som ein beredskapsplan.