Gå direkte til innhold
Vegtilsynet

Klimatilpasning i driftsfasen, Statens vegvesen, Region vest Vegseksjon Haugesund

Last ned tilsynsrapport

Om rapporten

Vegtilsynet har gjennomført tilsyn med Statens vegvesen, Region vest sin etterleving av krav til klimatilpassing når eksisterande veg skal driftast.

Samandrag

Tilsynet var gjennomført i Vegseksjon Haugesund, som følgjer opp driftskontrakt 1105 Indre Ryfylke 2015–2020. Denne driftskontrakta omfattar om lag 199 kilometer riksveg og har ein varigheit på fem år, frå 2015–2020.

Tilsynssaka er gjennomført som ein revisjon med innleiande dokumentgjennomgang og inspeksjon på veg i veke 17 og 33, med fokus på følgjande objekt:

  • is- og skrednett

  • steinsprangnett

  • sognemurar

  • skredvollar

Vegtilsynet gjer merksam på at tilsynet berre gjeld dei ovannemnde objekta, som vi i saka omtaler som «skredsikringsobjekt». Vi har ikkje undersøkt sikringsboltar, sprøytebetong og øvrige skredsikrings- og skredverntiltak.

Det er også gjennomført intervju med byggherre 19.09.18 og sendt e-post til entreprenør for å undersøkje nærare korleis planleggjing, gjennomføring og oppfølgjing av inspeksjonane vert gjort i praksis.

Last ned tilsynsrapport

Tilsynsresultat

Avvik
Mangel på samsvar med krav
Observasjon
Forhold der ein gjennom revisjonen har sett at det er potensial for forbetring hos tilsynspart.
Ingen funn
Undersøkelsen har ikke avdekket avvik eller observasjoner
Funn 1 - Avvik
Vegseksjon Haugesund manglar inspeksjonsplanar for 70 av 111 (63 prosent) av skredsikringsobjekta langs riksvegar i området dekka av driftskontrakt 1105 Indre Ryfylke 2015–2020.
Funn 2 - Observasjon
V-lista i driftskontrakten vert ikkje oppdatert undervegs i kontraktsperioden, og planane sikrar difor ikkje at alle objekt vert inspisert.
Funn 3 - Avvik
Vegseksjon Haugesund kan ikkje dokumentere å ha gjennomført enkel inspeksjon i samsvar med inspeksjonsplanen for skredsikrings- og skredverntiltak langs riksveg i 2016 og 2017, innanfor området dekka av driftskontrakt 1105 Indre Ryfylke 2015–2020.
Funn 4 - Avvik
Vegseksjon Haugesund har ikkje utført enkel inspeksjon i samsvar med inspeksjonsplanen for 40 av 41 skredsikringsobjekt langs riksveg i 2018, innanfor området dekka av driftskontrakt 1105 Indre Ryfylke 2015–2020.
Funn 5 - Observasjon
Vegseksjonen Haugesund kan ikkje dokumentere at skredsikringsobjekta i driftskontrakt 1105 Indre Ryfylke 2015–2020 har funksjon i tråd med krava i Handbok R610 Standard for drift og vedlikehold av riksveger.