Etterlevelse av EU-forordning 2013-886

Samandrag

Statens vegvesen har oppgåver både som dataleverandør og som informasjonsleverandør etter forordninga. Artikkel 3-7 omfattar krav om tilgjengeleggjering av data medan artikkel 8 omfattar krav om formidling av informasjon.

Vegtilsynet har undersøkt om innsendt dokumentasjon oppfyller krava i forordninga. Statens vegvesen har etter artikkel 9, punkt 2 framlagt eigenerklæring (Self-Declaration Form), og krava i artikkel 3-8 er i følgje eigenerklæringa oppfylt. Statens vegvesen har i tillegg oversendt utfyllande dokumentasjon (Accompanying documentation) som gjev nærare omtale av oppfylling av krava i forordninga. Vegtilsynet har ikkje gjennomført stikkprøvekontroll i saka.

Vegtilsynet si vurdering er at Statens vegvesen oppfyller krava i Kommisjonsdelegert forordning (EU) nr. 2013/886.