Etterlevelse av EU-forordning 886-2013

Samandrag

Statens vegvesen har oppgåver både som dataleverandør og som informasjonsleverandør etter forordninga. Artikkel 3-7 omfattar krav om tilgjengeleggjering av data medan artikkel 8 omfattar krav om formidling av informasjon.

Vegtilsynet sendte varsel om tilsyn 13.05.2025 og mottok 10.06.2025 etterspurt dokumentasjon:

1. Self-Declaration Form valid for Norway: Delegated Regulation (EU) No. 886/2013

2. Accompanying documentation to the declaration of compliance (self-declaration) with the Delegated Regulation (EU) No. 886/2013

Vegtilsynet har undersøkt om dokumentasjonen oppfyller krava i forordninga. Statens vegvesen har etter artikkel 9, punkt 2 framlagt eigenerklæring (Self-Declaration Form), og krava i artikkel 3-8 er i følgje eigenerklæringa oppfylt. Statens vegvesen har i tillegg oversendt utfyllande dokumentasjon (Accompanying documentation) som gjev nærare omtale av oppfylling av krava i forordninga.
Vegtilsynet har i møte med Statens vegvesen 12.06.2025 gjennomført stikkprøvekontroll i saka, og det vart ikkje avdekka avvik.

Vegtilsynet si vurdering er at Statens vegvesen oppfyller krava i Kommisjonsdelegert forordning (EU) nr. 2013/886.